'R piàno a manoia
di Filipin Gambera
Le parole di questa canzone composta ai primi del novecento da Filipin fanno riferimento a serate danzanti tenute nella Società Operaia di via Pallavicino. Il "musicista" era un volenteroso signore che girava la manovella di un piano meccanico.
Ogni tant 'n tra ment o m'rsuna 'n motiv
che i ricòrd di vint' agn o desvia ben viv
Quand i 'ndava a balè 'n tr'Operaia
e ra vita a smiava pi gàia
Col motiv o re d'n valser d'anor
d'n ton semplice dos e 'n minur
O 'n cunàva 'n col temp
i me sogn r'ambision
mentr 'r ceur o brandàva 'd passion.
Con che gòi m'slansava 'n tra dansa
ostentandi na certa baldansa
e ar me ceur m' str'nsava 'n gognin
co ciamàva 'r car'sse e i basin
Col cit piano a manoia o sonàva
ma 'n concert celestiàl o smiàva
e 'n t'r sogn i restàomo bei soi
tot 'r mond o reva màc pi p'r noi.
Ogni tant 'nco ades col antic bel motiv
p'r re strà d'r pais cheiche neut o's fà viv
Come n'onda 'd profum e 'd poesia
a re steile a và ra melodia
ra chitàra 'r flaot e 'r mandolin
es compàgno a 'r sospir d'n violin (1)
'N t'r boshet d'r castel
j'arsigneu son stupi
e 's no stan trepidant a sentì
Con che slans passionàl 'd nostalgia
's leva ar ciel ra canson preferia
'd ra brigada di sentimentài (1)
che 'd ra musica son i vasai
O re 'r motiv 'd col cit piano a manoia
che 'd magon 'r nòstr ceur o 'nvertoia
Cari amor e bei sogn 'd gioventù
torni pi, sei p'r sempre p'rdu
Filipin Gambera
(1) Era famosa a quei tempi "l'orchestrina delle serenate" che di tanto in tanto suonava a tarda sera per le strade di Ceva e a volte faceva da supporto alle manifestazioni del teatro
San B'rnardin
di Filipin Gambera
Questa canzone venne scritta dopo il bombardamento da parte degli
anglo americani della zona di san Bernardino. Fu colpita la cappella
dedicata
al santo; la costruzione fu rasa al suolo, ma la statua del santo rimase
praticamente intatta.
Se re strà son suce e se 'r temp o re bel
p'r piè d'r aria bona e fe doi pass
sensa b'sogn 'd cariese niun fardel
sorti feura 'd Seva e 'ndei a spas.
Tachi su d'ra Creusa ar Campanon
da Santagustin ò dar Murin
ca sia strà 'd campàgna o 'r stradon
'n poc temp i rivi a San B'rnardin
I jè 'n piasàl con sinc strà là 'n sima
d'r piante àte ben veie e quasi s'cà,
na cita fontana 'd poca stima,
di prà, di camp e 'n grup 'd tre o quàtr cà;
o re 'n co 'n bel post, però pi nen pei 'd prima
p'rchè ra guera a re passà 'd cò 'd là!
...I jan bombardà, 'n brut matin,
pròpi ra cesa 'd San B'rnardin!
Già na vota 'r bele tradision
d'r marende, i gieug, re gare, i bài,
i javo ra gran partecipassion,
là d'ra gent 'd Seva e d'r convai;
e 'r rotond tempiet 'd devosion
o reva 'n pò d'r pòst come 'r soris..
con ra soa completa distrussion
i jan devastàne 'n cit paradis.
Se 'nde a spass o re 'n t'r vòstr progràma
'nde pura 'ncora làssu a San B'rnardin.
Gòdi r'aria bona e 'r panorama
mentre r'aptit o's fà sempre pi fin..
E se 'r ricord 'r ceur 'nceu o v'nfiàma
odiè ra goera e tuti i sò paladin
...Che amonision col brut matin
chi jan bombardà 'r nostr bel San B'rnardin
Filipin Gambera
Ra canson 'd Seva
L'inno "nazionale" di Ceva
J'e 'n pais co's vanta d'esi na sità
con stra veie e 'n pò streite re contrà;
j'e 'n castel co smia pròpi li 'ncantà
na tot antica 'n pò st'rmà.
J'e doi fium che rendo 'r clima 'n pò bagnà
ma 'n compens j'e r'aria bona assicurà;
tuti diso o re tut'atr che 'n paradis
mi ji veui tant ben o re 'r me pais.
Ra roca as leva
àta, bela, maestosa
as vàrda Seva
con ra cura pi afetoosa
e da 'n Suraia
col simpàtic Campanon
come 'r nòno di pi ardì
o ten cont di nostri di
sempre 'd ceur e brondoron.
Filipin Gambera
______________
____________________
Per far spazio allo sferisterio, dietro la caserma Galliano,
hanno barbaramente demolito una bella arcata di un ponte (costruito
prima del 1200) a ponente della Torre Guelfa; al suo posto ora
troviamo una gradinata in cemento. Di archi del ponte ne rimangono ancora
due, nascosti sotto l'asfalto a est della torre medesima.
Un anonimo così si è lamentato.
Seva na vòta si che ti 'jevi
bela
quand'r cà jero ar màsim 'd tre pian
con er muragne 'd pera
sensa ciment armà
e con en giardin davanti
nen asfaltà.
J'eva sota ra Tor
na bela arcàda
e jan quatàra
con 'n batu 'd ciment
na bruta cancelada
ca cria: "son stunà"
O' Seva
er teste d'àso tenie stermà.
---------------
Preghiera di Artufo
Nost Sgno ce 't so 'n t'l ciel
mi 't ciam na grasia
'n ceo 'm rivolg a Ti pr na preghiera
protegtme dal malor da ra disgrasia
impinisme 'd bon polastr la capponera
ardobia i me botai chi jo 'n tra crota
e ten lontan des mia me madona
nos Sgno mi 't scongur l'ultima vota
scurse cola lenguasa a ra me dona
Nost Sgno mi v'sconguro
Nos Sgno deme da ment
'nco per costa vòta
Nos Sgno feme content
E quand chi pòrt a ca
na bela sborgna
oh salvme dal patele can da chila
preparie 'n po' 'd decot pacicaborgna
e fala 'ndurmì des agn 'd fila
Proteg ra dona e mi da tuti i guai
fe vivi 'n po' 'n tes mond vita tramquila
ma se quaicun 'd noi doi dev tira 'l bale
'nvece 'd fe cerpè mi fa cherpè chila
Nos Sgno mi v'sconguro
Non sgno deme da ment
enco p'r costa vota
Nos Sgno feme content
Poesia di Renato Canini
GARIBALDI... GIUDA FAUSS
Se coj mila 'd Garibaldi
quand ch'a son rivà lagiu
a l'aveisso pija na cioca
e peui fusso tornà su...
El vin bon mancava pa:
j'ero giusta li a Marsala!
Garibaldi e Nini Bixio
a l'han pròpi fait na bala!
Pensa 'n pò se ij sicilian,
ij poglieis, ij calabreis
ai ciamavo j'italian
noi restavo ij piemonteis
e 'n s'l pat i regalavo
anche tuti i sardegneui...
Nino Bixio e Garibaldi
j0ero pròpi doi faseuj!
Bele si saria na Svissera,
ai sario pa 'd camore
asasin, rapinador,
rubarissi a tute j'ore...
Ch'rde nen? Ciapè 'n giornal
andoa ch'a parla d'n sasin,
lese 'l nom: Rocco La Placa,
mai: Pautasso d'l Noclin!
A l'ufisi d'l Registr,
an Comun, fin al Catast
parlerio an piemonteis,
tut al pi 'nt 'l dialet d'Ast.
Giusta li suta La Spessia
ai saria 'n bel confin:
sota 'l "regno dij spaghetti",
dzora col dij tajarin!
Sensa tuti coj plandron
sensa tante mangerie
as vivria propi da bin
e pagrio tase da rije...
Mentre, come soma andà,
da tre o quat generassion
sti balòss a veno su
e a fan mach girè ij cojon!
Quand ch'a l'han d'autorità
smija ch'a sio padron d'l mond,
sensa deuit, sensa bon sens
e s'a mangio...sensa fond!
Soma propi bin rangià
con sta rassa 'd malprudent!
Nino Bixio tante grassie,
Garibaldi compliment!
Renato Canini
